ირანის სულიერი ლიდერი მოჯთაბა ხამენეი ირანის პრეზიდენტ იბრაჰიმ რაისის გარდაცვალებიდან ორი წლისთავთან დაკავშირებით მიმართვას ავრცელებს. მოჯთაბა ხამენეიმ რაისის მიმართ პატივისცემის გამოხატვის გარდა, ირანის ახალი ხელმძღვანელობის წინაშე არსებულ გამოწვევებზეც ისაუბრა.
„ომის რეალობა ისლამური რესპუბლიკის ოფიციალური პირების პასუხისმგებლობას კიდევ უფრო ზრდის“, – განაცხადა მოჯთაბა ხამენეიმ და დასძინა, რომ ირანის ლიდერებს ომის დროს მძიმე ტვირთი აწევთ.
მისი თქმით, ლიდერებმა აქტიურად უნდა განიხილონ ეკონომიკური საკითხები.
ამასთან, ხამენეიმ აღნიშნა, რომ ირანი შეერთებულ შტატებსა და ისრაელს „უნიკალურ“ წინააღმდეგობას უწევს.
