ირანის პრეზიდენტმა, მასუდ ფეზეშქიანმა განაცხადა, რომ რეგიონში დესტაბილიზაციის გამომწვევი ძალა ისრაელია, რომელიც „დიდი ისრაელის“ გეგმას მისდევს და სხვადასხვა გზით შეთქმულებას აწყობს რეგიონში ომის, არასტაბილურობისა და განხეთქილების შესანარჩუნებლად.
ირანის პრეზიდენტის თქმით, ქვეყანა მზად არის მოლაპარაკებებისთვის.
„ახლა ჩვენ ასევე მზად ვართ, დავარწმუნოთ მსოფლიო, რომ ჩვენ არ ვცდილობთ ბირთვული იარაღის ფლობას. ჩვენ არ ვცდილობთ არასტაბილურობას რეგიონში“, – აღნიშნა მასუდ ფეზეშქიანმა.
