ირანის სამხედრო უწყება აცხადებს, რომ ნავთობისა და ენერგეტიკის ინფრასტრუქტურა, რომელიც აშშ-თან მომუშავე კომპანიებს ეკუთვნით, დაუყოვნებლივ განადგურდება და ფერფლის გროვად იქცევა.
ეს განცხადება, რომელიც ირანულმა სააგენტოებმა Fars-მა და Tasnim-მა გაავრცელეს, იყო „საპასუხო რეაქცია“ დონალდ ტრამპის მიერ გაკეთებულ განცხადებებზე.
მანამდე, Truth Social-ზე გამოქვეყნებულ პოსტში ტრამპმა განაცხადა, რომ აშშ-ის ძალებმა „სრულად გაანადგურეს“ ირანის სამხედრო ინფრასტრუქტურა კუნძულ ხარგზე, ჰორმუზის სრუტეში, რომელიც გლობალური ნავთობის გადაზიდვისთვის კრიტიკულად მნიშვნელოვანი წყლის გზაა.
ამავდროულად, BBC-ის პარტნიორი CBS იტყობინება, რომ ახლო აღმოსავლეთში აშშ-ის დამატებითი საზღვაო ქვეითებისა და სამხედრო ხომალდების გაგზავნა იგეგმება. ოფიციალური პირების თქმით, დამხმარე ძალებს იაპონიაში ბაზირებული სადესანტო ხომალდი USS Tripoli უხელმძღვანელებს.
