Iran International-ის ინფორმაციით, ირანის არმიის შტაბის უფროსმა და კოორდინაციის მოადგილემ, ჰაბიბოლა საიარიმ განაცხადა, რომ შეერთებულ შტატებს არ გააჩნია სამხედრო შესაძლებლობები, იმოქმედოს ირანის წინააღმდეგ ისე, როგორც ეს ვენესუელაში მოხდა.
„მათ რომ ნამდვილად შეეძლოთ და აპირებდნენ ისე იმოქმედონ, როგორც ვენესუელაში, ისინი ამას აქამდე რამდენიმე ათასჯერ გააკეთებდნენ“, – აღნიშნა ჰაბიბოლა საიარიმ.
მან აშშ-ის პრეზიდენტ დონალდ ტრამპის განცხადებები ირანზე ზეწოლის გაზრდის შესახებ ვაშინგტონის სისუსტის დასტურად შეაფასა.
საიარიმ ასევე, ხაზი გაუსვა, რომ ირანის შეიარაღებული ძალები აძლიერებენ შეკავების ძალას და აგვარებენ ბოლო კონფლიქტების დროს გამოვლენილ სისუსტეებს.
