Reuters-ის ინფორმაციით, ირანის ახალ უზენაეს ლიდერს მძიმე დაზიანებები აქვს და მკურნალობას განაგრძობს.
გამოცემა წყაროებზე დაყრდნობით იუწყება, რომ ირანის ახალმა უზენაესმა ლიდერმა, მოჯთაბა ხამენეიმ ომის დაწყებისას ირანის ყოფილი უზენაესი ლიდერისა და მამამისის, ალი ხამენეის რეზიდენციაზე საჰაერო დარტყმის შედეგად სახისა და ფეხის მძიმე დაზიანებები მიიღო.
წყაროებმა გამოცემასთან საუბარში აღნიშნეს, რომ მოჯთაბა ხამენეის სახე დასახიჩრებული აქვს, ხოლო ირანის ახალმა უზენაესმა ლიდერმა მძიმე დაზიანება ერთ ან ორივე ფეხზე მიიღო.
ასევე, წყაროების განცხადებით, 56 წლის უზენაესი ლიდერი საღ გონებაზეა და ოფიციალურ პირებთან ერთად გადაწყვეტილების მიღების პროცესში მონაწილეობს.
