ირანმა განაცხადა, რომ მცირედგამდიდრებული ურანის წარმოების მოცულობას ათ დღეში გაზრდის, რაც ბირთვული შეთანხმების კიდევ ერთ-ერთი პუნქტის დარღვევას ნიშნავს. ირანის ატომური ენერგიის ორგანიზაციის მდივანმა ბეჰტუზ კამალვანდიმ განაცხადა, რომ ათ დღეში მცირედგამდიდრებული ურანის რაოდენობა 300 კილოგრამს გადააჭარბებს – ზუსტად ამ მოცულობის ლიმიტი აქვს 2015 წლის ბირთვული შეთანხმების თანახმად ირანს. “ბირთვული შეთანხმებიდან გასვლის მეორე ფაზაში ჩვენ მზად ვართ ბირთვული შეთანხმებით განსაზღვრული ნორმაზე 3,76%-ით მეტი ვაწარმოოთ” – თქვა კამალვანდიმ და დაამატა, რომ მას 20%-მდე აიყვანს. ჩინოვნიკმა აღნიშნა, რომ ევროპულ ქვეყნებს ჯერ კიდევ აქვთ დრო, რომ ირანი აშშ-ს სანქციებისგან დაიცვან და რომ მათ მოქმედება უნდა დაიწყონ ნაცვლად ლაპარაკისა – reuters-ი წერს.
შეგახსენებთ, რომ აშშ-ირანს შორის ურთიერთობა 2018 წელს დაიძაბა, როცა შეერთებულმა შტატებმა ბირთვული შეთანხმების შესახებ 2015 წლის ხელშეკრულება დატოვა. რამდენიმე თვის წინ შეერთებულმა შტატებმა ირანს სანქციები დაუწესა.