ირანის საგარეო საქმეთა მინისტრმა, აბას არაღჩიმ თურქ კოლეგასთან სატელეფონო საუბრისას რეგიონში დაძაბულობის ესკალაციაზე ისაუბრა.
ირანის საგარეო უწყების ცნობით, თეირანი აფრთხილებს ანკარას მოსალოდნელი „ცრუ დროშის“ ოპერაციების შესახებ, რომლებიც რეგიონული კავშირების გაწყვეტას ისახავს მიზნად.
ეს განცხადება მას შემდეგ გაკეთდა, რაც ნატო-ს ძალებმა თურქეთის საჰაერო სივრცეში ირანიდან ნასროლი ბალისტიკური რაკეტა შეაჩერეს. თეირანი ამ ფაქტს პროვოკაციად მიიჩნევს და აცხადებს, რომ მსგავსი ინციდენტები მიზანმიმართულად ეწყობა ირანსა და მის მეზობლებს შორის ურთიერთობის გასაფუჭებლად.
მიუხედავად ინციდენტისა, თურქეთი კვლავ რჩება მთავარ მედიატორად ვაშინგტონსა და თეირანს შორის. ანკარა სხვა რეგიონულ ქვეყნებთან ერთად ცდილობს, დეესკალაციას მიაღწიოს და ახლო აღმოსავლეთში მიმდინარე ომი დაასრულოს.
