ირანის ისლამური რევოლუციის გუშაგთა კორპუსი განცხადებას ავრცელებს, სადაც აღნიშნულია, რომ თუ ამერიკული ტერორისტული არმია წითელ ხაზებს გადაკვეთს, ირანის პასუხი რეგიონს გასცდება.
ირანის ისლამური რევოლუციის გუშაგთა კორპუსის განცხადებით, „წითელი ხაზების“ გადაკვეთის შემთხვევაში, აშშ და მისი მოკავშირეები რეგიონიდან ნავთობის მიღებას „წლების განმავლობაში“ ვერ შეძლებენ.
განცხადებაში აღნიშნულია, რომ ისლამური რევოლუციის გუშაგთა კორპუსი საპასუხო დარტყმებისას მიზანში რეგიონში არსებულ ნავთობის ინფრასტრუქტურას ამოიღებს.
„ამერიკის რეგიონულმა პარტნიორებმა უნდა იცოდნენ, რომ კეთილმეზობლობის გამო დღემდე დიდ თავშეკავებას ვიჩენდით და საპასუხო დარტყმებისთვის სამიზნეებს სიფრთხილით ვარჩევდით, თუმცა უკვე ყველა ეს თავშეკავება მოხსნილია“, – ნათქვამია განცხადებაში.
