თბილისის საკრებულოს თავმჯდომარის გიორგი ტყემალაძის მოადგილედ საკრებულოს ქონების მართვისა და საფინანსო-საბიუჯეტო კომისიის თავმჯდომარე ირაკლი ზარქუა დაინიშნა.
საკრებულოს თავმჯდომარის მადგილის პოსტი მას შემდეგ გახდა ვაკანტური, რაც დავით უჯმაჯურიძე გარდაიცვალა.
ირაკლი ზარქუას შემცვლელად და საფინანსო-საბიუჯეტო კომისიის თავმჯდომარედ კი ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისიის თავმჯდომარე ოთარ გრიგოლია დაინიშნა. გრიგოლიას შემცვლელად კი საკრებულოს წევრი ნინო ლაცაბიძე აირჩიეს.