საპარლამენტო უმრავლესობის წევრი ირაკლი ზარქუა გაეროს კლიმატის ცვლილების კონფერენციის ფარგლებში, მსოფლიო ლიდერების სამიტში პრემიერ მინისტრის მონაწილეობას გამოეხმაურა.
„მნიშვნელოვანია ჩვენი პრემიერ-მინისტრის ვიზიტი გაეროში, რომელიც კლიმატის ცვლილებებს ეხებოდა. ეს კიდევ ერთხელ ცხადყოფს, რომ ჩვენი გუნდის და ჩვენი ქვეყნის ლიდერი მსოფლიოს ლიდერებთან ერთად საერთო გამოწვევების წინააღმდეგ გეგმებს, პროგრამებს ვთავაზობთ, თუ როგორ შეიძლება საქართველომ თავისი წვლილი შეიტანოს ამ მსოფლიო გამოწვევების წინაშე. ეს არის ჩემთვის საამაყო, რომ ასეთ მნიშნელოვან, გლობალურ თემებში ჩვენი ქვეყნის როლი მნიშნელოვანია და ჩართულები ვართ“,-განაცხადა ირაკლი ზარქუამ.