საპარლამენტო უმრავლესობის წევრი ირაკლი ზარქუა „ერთიან ნაციონალურ მოძრაობაში“ დაწყებულ საკადრო გადაადგილებებსა და პარტიაში ახალი სახეების მიერთებას სარკასტულად ეხმაურება. დეპუტატის თქმით, ოპოზიციურ ფლანგზე მიმდინარე პროცესები მმართველი გუნდისთვის მხოლოდ ხალისის მომგვრელია.
ზარქუამ ოპოზიციაში მიმდინარე რეფორმებს „მშვენიერი პროცესი“ უწოდა და აღნიშნა, რომ რეალური ცვლილებები იქ არ ხდება.
„კოლექტიურ ნაცმოძრაობაში მშვენიერი პროცესი მიმდინარეობს, ბელადი [მიხეილ სააკაშვილი] იქით “თუხთუხებს”, აქეთ ახალი სახეები, “ტოპ ტვინები” მოჰყავთ… სიმართლე გითხრათ, არც მაინტერესებს, უბრალოდ, ზოგჯერ ვხალისობთ“, — განაცხადა ირაკლი ზარქუამ.
