ირაკლი ალასანია მთავარ პროკურორად ირაკლი შოთაძის დამტკიცებას ეხმაურება. თავისუფალი დემოკრატების ლიდერმა ინტერვიუ გაზეთ კვირის პალიტრას მისცა.
ალასანია მიიჩნევს, რომ შოთაძე პოლიტიკური დაკვეთის შესრულების სანაცვლოდ დააწინაურეს.
“ერთი წლის წინ ვთქვი, რომ პოლიტიკური დაკვეთების შესრულების სანაცვლოდ შოთაძეს მთავარ პროკურორობას შეჰპირდნენ. მან წარმატებით გააგრძელა ადეიშვილის ტრადიცია, თუმცა, დაკვეთების აღსრულებაში მოიკოჭლებენ. დღეს ეს უწყება გაუცხოებულია საზოგადოებასთან, რაშიც ამ ყმაწვილს დიდი წვლილი მიუძღვის”, – აღნიშნა ალასანიამ.
ამ პროცესს ალასანია სიყალბესა და ფარსს უწოდებს, რომლის ნაწილიც მისი თქმით, იუსტიციის მინისტრი თეა წულუკიანიც გახდა. წულუკიანი პოლიტიკაში მოსვლისას ალასანიას გუნდის წევრი იყო.
