მთავარი პროკურორობის კანდიდატის ირაკლი შოთაძე იმედოვნებს, რომ დეპუტატები მის კანდიდატურას მხარს დაუჭერენ. როგორც შოთაძემ ჟურნალისტებთან საუბრისას აღნიშნა , დღეს ის პროკურატურის რეფორმასთან დაკავშირებით საკუთარ ხედვას დეპუტატებს გააცნობს.
,,მე ჩემი ხედვა, ჩემი პროგრამა მაქვს პროკურატურის რეფორმასთან დაკავშირებით. ამ პროგრამით წარვდგები დღეს პარლამენტში. მზად ვარ, რომ ყველა კითხვას გავცე პასუხი. არც ერთ კითხვაზე პასუხის გაცემისგან თავი არ ამირიდებია. პლენარულ სხდომაზე კენჭისყრის შემდეგ გამოჩნება, მაქვს თუ არა მხარდაჭერა. ვფიქრობ, რომ მხარდაჭერა მაქვს”, – განაცხადა ირაკლი შოთაძემ.
