ე.წ. კასრების საქმეზე ყველა ყოფილი თანამდებობის პირი, საჯარო მოხელე, ვინც ჩართული იყო კონკრეტული პირების მიმართ წამებისა და სქესობრივი ხასიათის ძალმომრეობის მოქმედების ჩადენაში, მიცემულია პასუხისგებაში, – განუცხადა მთავარმა პროკურორმა ჟურნალისტებს.
ირაკლი შოთაძის თქმით, საქმის არსებითი განხილვა სასამართლოში მიმდინარეობს.
„რაც შეეხება მეორე ნაწილს, ამ საქმეზე მიმდინარეობს გამოძიება, რომელსაც აწარმოებს სახელმწიფო უსაფრთხოების სამსახური. მას შემდეგ რაც დადგინდება და იქნება შესაბამისი მტკიცებულებები, მიღებული იქნება შესაბამისი გადაწყვეტილებები“,- აღნიშნა შოთაძემ.
