2016 წლისთვის საარჩევნო კოდექსში ცვლილებების შეტანას ინტერპარტიული ჯგუფი ითხოვს. არასაპრლამენტი ოპოზიციის წარმომადგენლები იუსტიციის მინისტრთან შესახვედრად ემზადებიან.
ოპოზიციის მოთხოვნებს მმართველ გუნდში ეხმაურებიან. ირაკლი სესიაშვილი ამბობს, რომ საარჩევნო ბარიერის 4%-მდე დაწევა ,,პარლამენტი აჭრელებას” გამოიწვევს.
„ჩვენ ვთავაზობთ ჩვენს საზოგადოებასა და პოლიტიკურ ძალებს, რომ ბარიერი 4%-მდე დაიწიოს 5%-ის ნაცვლად, ვფიქრობ, რომ ნორმალურია ჩვენი დემოკრატიისთვის, კიდევ უფრო დაწევა პარლამენტის აჭრელებას გამოიწვევს, რამაც შეიძლება პარლამენტის საქმიანობას ხელი შეუშალოს. პარლამენტში პოლიტიკურ ძალებს საკუთარი წარმომადგენლის ყოლა იმ ინტერესით აქვთ, რომ მათ ზეგავლენა მოახდინონ პოლიტიკაზე. 2%-ის შემთხვევაში შეიძლება ერთი ადამიანი გაიყვანონ. თუ ვიღაცას სურვილი აქვს, რომ ერთი ადამიანი პარლამენტში მოხვდეს, ამისთვის არის რაღაც ერთკაციანი პარტიები. თუ ამისთვის კეთდება ჩემი აზრით ეს საზოგადოებისთვის მიზანშეწონილი არ იქნება“, – განაცხადა ირაკლი სესიაშვილმა.