„ერთიანი ნაციონალური მოძრაობის“ მმართველობითი საბჭოს თავმჯდომარემ ირაკლი ფავლენიშვილმა, პარტიის სხვა ლიდერებთან ერთად, გენერალურ პროკურატურასთან ბრიფინგი გამართა.
ფავლენიშვილის განცხადებით, გიორგი ბარამიძის დაკავება პოლიტიკური შურისძიებაა და პროცესი პირდაპირ რუსეთის ინტერესებსა და ინსტრუქციებს უკავშირდება.
„პოლიტიკური განცხადება არ არის ბარამიძის დაკავების საბაბი. საბაბია ამ პოლიტიკური განცხადების ინტერპრეტაცია. მან მკაფიოდ განმარტა, რომ ის შინაარსი მას არ უგულისხმია. ამის მიუხედავად დააკავეს.
რატომ? იმიტომ, რომ ბარამიძის დაკავების ბრძანება რუსულმა იმპერიამ გასცა 1 წლის წინ. ფაქტობრივად, მას პატიმრობა მიესაჯა რუსეთის მიერ. როგორც ყველაფერში, აქაც მოახდინეს დაკოპირება პუტინის ინსტრუქციის და რუსეთის მსგავსად შეუფარდეს პატიმრობა უკვე საქართველოში“, — განაცხადა ირაკლი ფავლენიშვილმა.
