„ირაკლი ოქრუაშვილის დაკავებაც სიბრიყვედ მიმაჩნია” – ლევან გოგიჩაიშვილი

„ირაკლი ოქრუაშვილის დაკავებაც სიბრიყვედ მიმაჩნია,“ – ამის შესახებ განცხადება საპარლამენტო უმრავლესობის ყოფილმა წევრმა, ლევან გოგიჩაიშვილმა გააკეთა. „ქართული ოცნებიდან“ დემარშით წასული დეპუტატი ამბობს, რომ „გამარჯვებული საქართველოს“ ლიდერი დაკავებული იქნება თუ თავისუფალი, ის პოლიტიკურ რეალობას ვერ შეცვლის.

„ოქრუაშვილი გარეთ იქნება თუ შიგნით, ვერანაირ პოლიტიკურ რეალობას ვერ შეცვლის, რაც არ უნდა მას გულშემატკივრობდეს, მისი დაკავებაც სიბრიყვედ მიმაჩნია. ყველაფერს თავის ლოგიკა უნდა ჰქონდეს, მაგრამ ის, რომ ამ ორმა სუბიექტმა დაკარგა შინაარსი და არის მარტო ავტორიტარიზმისკენ მიდრეკილი ორი სუბიექტი ერთმანეთს ებრძვის, ამ ბრძოლაში ყველაზე მეტად წაგებულები არიან საქართველოს მოქალაქეები, ამიტომ ჩვენი ამოცანაა, რომ ეს ორპოლუსიანობა დამთავრდეს ქვეყანაში, თორემ ხელისუფლება ერთი წლის განმავლობაში ამაზე ბევრ უარეს რამეს გააკეთებს და უფრო მეტ სიბრიყვეს ჩაიდენს,“ – განაცხადა ლევან გოგიჩაიშვილმა.

banner
წინა სტატიაშიდავით უსუფაშვილი ირაკლი ოქრუაშვილის დაკავებას “რუსთავი 2”-ის საქმეს უკავშირებს
შემდეგი სტატიაჩვენ შევცვლით ანაკლიის მმართველ საბჭოს, ჩვენ გადავიწევით უკანა პლანზე – მამუკა ხაზარაძე