“წალენჯიხის მუნიციპალიტეტის სოფელ ლესალეში ადგილობრივ მოსახლეობას შევხვდი. ადამიანებს, რომლებიც წლებია, სრულიად უყურადღებოდ, უმძიმესი ინფრასტრუქტურული პრობლემების პირისპირ არიან მიტოვებულები.
ადგილობრივებმა უამრავი დაპირება გაიხსენეს, თუმცა რეალობა უცვლელია – სოფლის ცენტრალური გზა ისეთ კატასტროფულ მდგომარეობაშია, ყოველი წვიმისას ლესალე ფაქტობრივად იზოლაციაში ექცევა.
დანგრეული გზა პირდაპირ საფრთხეს უქმნის ადამიანების, ბავშვების სიცოცხლეს. ადგილობრივებმა მითხრეს, რომ გაუვალი გზის გამო, სოფელში სასწრაფო სამედიცინო დახმარების მანქანა ვერ ადის. წარმოიდგინეთ, კრიტიკულ სიტუაციაში, როცა ყოველი წუთი გადამწყვეტია, ადამიანები უბრალოდ უმწეოდ რჩებიან.
გამოსავალი ერთია – უნდა შეიცვალოს ანტიქართული ოცნება!”,-წერს „ძლიერი საქართველო-ლელოს“ ლიდერი, ირაკლი კუპრაძე.
