საქართველოს პარლამენტის თავმჯდომარე ირაკლი კობახიძე ქართველ ძიუდოისტებს სანკტ-პეტერბურგის მასტერსზე წარმატება მიულცა.
“ვულოცავ ქართველ ძიუდოისტებს, ქომაგებს და სრულიად საქართველოს ბრწყინვალე გამარჯვებას! ბექა ღვინიაშვილმა, ვარლამ ლიპარტელიანმა და ოთარ თუშიშვილმა ქართველ ხალხს სიხარული კიდევ ერთხელ მიანიჭეს და სიამაყით აღავსეს. საქართველო ყოველდღიურად ამტკიცებს, რომ ჩვენი სპორტსმენები ნიჭის, თავდაუზოგავი შრომისა და გამორჩეული თავდადების მაგალითები არიან.
მადლობას ვუხდი ჩვენს ბიჭებს ყველაფრისთვის, რაც ამ შედეგის მისაღწევად გააკეთეს, მადლობას ვუხდი მწვრთნელებს და ყველას, ვინც მაქსიმუმი გააკეთა იმისთვის, რომ სანკტ-პეტერბურგში ქართული ჰიმნი სამჯერ აჟღერებულიყო.”- ნათქვამია პარლამენტის თავმჯდომარის წერილში.
ქართველმა ძიუდოისტებმა მასტერსზე ჯამში 3 ოქროს,1 ვერცხლის და 1 ბრინჯაოს მედალი მოიპოვეს და ვაჟთა შორის გუნდური პირველი ადგილი დაიკავეს.
