ირაკლი კობახიძე – ოკუპანტი ქვეყნის ოფიციალური წარმომადგენელი იჯდა საქართველოს პარლამენტის თავმჯდომარის სკამზე, რაც იყო მძიმე სანახავი

region
ავტ.: region ივნისი 20, 2019 14:29

ირაკლი კობახიძე – ოკუპანტი ქვეყნის ოფიციალური წარმომადგენელი იჯდა საქართველოს პარლამენტის თავმჯდომარის სკამზე, რაც იყო მძიმე სანახავი

ყველასთვის ძალიან მძიმე სანახავი იყო ის, რაც ვიხილეთ ჩვენ პარლამენტის სხდომათა დარბაზში, – ამის შესახებ საქართველოს პარლამენტის თავმჯდომარე ირაკლი კობახიძემ ქართველ ჟურნალისტებს ბაქოში განუცხადა, სადაც ვიზიტით იმყოფება.

„რუსეთი არის ქვეყანა, რომელსაც ოკუპირებული აქვს ჩვენი ტერიტორიების 20 პროცენტი და ამ ქვეყნის ოფიციალური წარმომადგენელი პარლამენტის წევრი იჯდა თავმჯდომარის სკამზე, რაც იყო მძიმე სანახავი, მძიმე სურათი. სამწუხაროდ, არ მქონდა მყისიერად საჯაროდ რეაგირების საშუალება გამომდინარე იქიდან, რომ არ ვარ საქართველოში , შემატყობინეს ამ ფაქტის თაობაზე და როგორც კი შევიტყვე, მაშინვე მოვითხოვე სესიის შეჩერება და ასეთი ფორმით სესიის გაგრძელების არ დაშვება.

კიდევ ერთხელ მინდა, გავიმეორო, რომ რუსეთი არის ის ქვეყანა, რომელსაც ოკუპირებული აქვს ჩვენი ქვეყნის ტერიტორიები. ამაზე ჩვენ ყურადღება გავამახვილეთ გუშინაც, როცა ვმონაწილეობდი სესიის გახსნაში და იმ ქმედებებს, რომელიც მომდინარეობს რუსეთის ფედერაციიდან, არა აქვს არანაირი საერთო არც ქრისტიანობასთან და არც მართლმადიდებლობასთან და ის, რაც ვიხილეთ ჩვენ პარლამენტის სხდომათა დარბაზში იყო აბსოლუტურად მიუღებელი“, – განაცხადა კობახიძემ.

რაც შეეხება მართლმადიდებლობის საპარლამენტთაშორისო ასამბლეის სესიის საორგანიზაციო საკითხებს, საქართველოს პარლამენტის თავმჯდომარემ აღნიშნა, რომ შესაბამის ფორმატში განიხილება ყველა საორგანიზაციო საკითხი.

region
ავტ.: region ივნისი 20, 2019 14:29

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics