ირაკლი კობახიძე: (IRI) კვლევის შედეგები ადასტურებს, რომ გიორგი გახარიას პოლიტიკური პარტია „ნაციონალური მორაობის“ პროექტია

gulis eleqsiri

„ყველამ ვიცით, რომ IRI-ს კვლევას უტარებს ორგანიზაცია IPM-ი, რომელიც მჭიდროდაა დაკავშირებული „ნაციონალურ მოძრაობასთან“. ამასთან, ჩვენ ყოველთვის გვქონდა საუბარი და აქედან გამომდინარე, გასაკვირი არ არის, რომ ყოველ ჯერზე, თუ გავიხსენებთ წინა არჩევნების შედეგებს, კვლევის მონაცემებს, კვლევის მონაცემები, საბოლოო ჯამში, არჩევნების შედეგებს ყოველთვის აცდენილი იყო“, – აცხადებს ირაკლი კობახიძე.

მისივე თქმით, როგორც წესი, ორგანიზაცია მმართველ პარტიას პროცენტს აკლებდა.

„ეს პროცენტები „ნაციონალურ მოძრაობას“ ეწერებოდა. ამ შემთხვევაში, ყველაზე მეტად საინტერესოა, რომ ჩვენ მოგვაკლეს ეს პროცენტი, თუმცა, ამ შემთხვევაში, გადაუნაწილეს არა „ნაცმოძრაობას“, არამედ – თანაბრად გადაუნაწილეს „ნაცმოძრაობასა“ და გახარიას პარტიას. აქედან გამომდინარე, ძალიან მარტივი რამ იკითხება; მთავარი დასკვნა, რომელიც, შეიძლება, გამოვიტანოთ, არის ის, რომ დასტურდება ჩვენ მიერ არაერთგზის ნათქვამი – გახარია, რეალურად, „ნაცმოძრაობის“ პროექტია. მათი მიზანია, ეს პოლიტიკური პარტია რაც შეიძლება წინ წამოწიონ. ამაზე მეტყველებს ისიც, რომ ყველა მათი ტელევიზია დაკავებულია გახარიას პიარით. მათ უნდათ, რომ, რამენაირად, 1-2% წაართვას გახარიას პარტიამ „ქართულ ოცნებას“. ეს არის მათი მიზანი, მათი ოცნება, თუმცა ამას არ უწერია ასრულება“, – აღნიშნავს ირაკლი კობახიძე.

წინა სტატიაშიამირან გამყრელიძე: გუშინ 3 000-მდე ადამიანი არ გამოცხადდა აცრაზე, შეიძლება, გარკვეული ნაწილი მიზანდასახულად ჯავშნის აცრებს და აუქმებს
შემდეგი სტატიაღარიბაშვილი: მუნიციპალიტეტებში შეიქმნება სპეციალური შტაბები, რათა ადგილობრივად, ხელი შეეწყოს აცრების პროცესის კიდევ უფრო ეფექტურ კოორდინაციას