ირაკლი კობახიძე – გადაწყვეტილია, რომ მოსამართლეთა წარდგენილ სიას კენჭი არ ეყრება, ჯერ კრიტერიუმები უნდა შემუშავდეს

region
ავტ.: region თებერვალი 4, 2019 13:48

ირაკლი კობახიძე – გადაწყვეტილია, რომ მოსამართლეთა წარდგენილ სიას კენჭი არ ეყრება, ჯერ კრიტერიუმები უნდა შემუშავდეს

ადაწყვეტილება მიღებულია, რომ მოსამართლეთა წარდგენილ სიას კენჭი არ ეყრება. შევთანხმდით, რომ ჯერ პროცედურები და კრიტერიუმები უნდა შემუშავდეს, – ამის შესახებ პარლამენტის თავმჯდომარე ირაკლი კობახიძემ ჟურნალისტებს განუცხადა კითხვაზე, როგორ მოხდება იუსტიციის უმაღლესი საბჭოს მიერ პარლამენტისთვის წარდგენილი უზენაესი სასამართლოს მოსართლეთა კანდიდატების სიის გაწვევა.

ირაკლი კობახიძის განცხადებით, ეს ტექნიკური მხარეა და შესაძლოა, ცვლილება კანონის გარდამავალ დებულებაში განხორციელდეს.

„ზოგადად გადაწყვეტილია, რომ ამ სიას კენჭი არ ეყრება და კენჭი ეყრება ახალ სიას, რომელიც იქნება წარმოდგენილი. თუ იურიდიული კუთხით დასაზუსტებელი გახდა, რომ ამ 10 კანდიდატს არ ეყრება კენჭი, აღნიშნულთან დაკავშირებით შეიძლება, კანონის გარდამავალ დებულებებში შევიტანოთ ცვლილება. ეს არის წმინდა ტექნიკური მხარე. შევთანხმდით, რომ ჯერ შემუშავდება პროცედურა, კრიტერიუმები. ამ ფილტრს გაივლის ყველა კანდიდატი, მათში შეიძლება, ის 10 კანდიდატიც შედიოდეს, რომელიც მანამდე იყო წარმოდგენილი, ასევე სხვა კანდიდატები“, – განაცხადა ირაკლი კობახიძემ.

მისი თქმით, პროცესი მაქსიმალურად ღიად და გამჭვირვალედ წარიმართება.

„პროცესი იქნება მაქსიმალურად გახსნილი, ღია, გამჭვირვალე. ამის საფუძველზე შეირჩევა 18 კანდიდატი 18 ვაკანტურ პოზიციაზე და შემდეგ პარლამენტი მიიღებს გადაწყვეტს, ვის დაუჭერს მხარს. ჩემი მხრიდან დღეს არასწორი იქნება ვინმეს მხარდაჭერაზე ან მხარდაჭერის უარზე საუბარი“, – განაცხადა პარლამენტის თავმჯდომარემ.

region
ავტ.: region თებერვალი 4, 2019 13:48

Google სტატისტიკა


3,427
ვიზიტორი
დღეში
Powered By Google Analytics