საქართველოს პრემიერ-მინისტრმა ირაკლი კობახიძემ საოჯახო კალათის პროგრამაში შემავალი საბაზისო პროდუქტების შესახებ შექმნილ ახალ საინფორმაციო პორტალზე — www.ekalata.gov.ge ისაუბრა. მთავრობის მეთაურის განცხადებით, აღნიშნული ინიციატივა ხელს შეუწყობს პროდუქტებზე ფასების კონტროლს და შეჭირვებულ მოქალაქეებს ხარჯების შემცირებაში დაეხმარება.
პრემიერმა ხაზგასმით აღნიშნა, რომ მთავრობა განსაკუთრებულ ყურადღებას დაუთმობს ვებგვერდის გამართულ და სწორ ფუნქციონირებას:
„ახალი პლატფორმა მოსახლეობას აძლევს ფასებზე დაკვირვების შესაძლებლობას და ყველაზე დაბალი ფასების იდენტიფიცირების საშუალებას კონკრეტულ მომენტში, რაც, ბუნებრივია, შეამცირებს განსაკუთრებულად შეჭირვებული მოსახლეობისთვის კალათის ფასს. შესაბამისად, განსაკუთრებულ ყურადღებას დავუთმობთ ამ პლატფორმის სწორად მუშაობას“, — განაცხადა ირაკლი კობახიძემ.
