საქართველოს ყოფილი პრემიერ–მინისტრის ირაკლი ღარიბაშვილის მშობლების ოჯახს დედოფლისწყაროს მუნიციპალიტეტის სოფელ ხორნაბუჯში სახელმწიფო დაცვის სპეციალური სამსახური აღარ იცავს.
ინფორმაცია რადიო “თბილისს” [FM 93.5] ყოფილი პრემიერის მამამ ტარიელ ღარიბაშვილმა დაუდასტურა.
ტარიელ ღარიბაშვილის თქმით, “თითქმის უკვე ორი კვირაა, დაცვის თანამშრომლებმა მათი საცხოვრებელი სახლი დატოვეს”.
ირაკლი ღარიბაშვილი მამამ ყოფილი პრემიერის გადადგომის შესახებაც გააკეთა მოკლე კომენტარი: “თავის ნება იყო და გადადგა ეს ნაბიჯი. ძალიან გადაღლილია და ცოტას დაისვენებს. მერე ვნახოთ რას იზამს”, – განაცხადა ტარიელ ღარიბაშვილმა.
ირაკლი ღარიბაშვილის მშობლების – ტარიელ და მარინა ღარიბაშვილების სახლთან დაცვის სამსახური 2013 წელს განთავსდა.
საქართველოს პრემიერ–მინისტრი ირაკლი ღარიბაშვილი თანამდებობიდან 2015 წლის 23 დეკემბერს გადადგა.