ირაკლი ღარიბაშვილი – შეთქმულებაზე, რომელიც დაგეგმეს ჩვენი სახელმწიფოს, სუს-ის, ეკლესიის წინააღმდეგ, ვგულისხმობ გავრცელებულ ფაბრიკაციას, გამოძიება ძალიან წინ მიიწევს, ყველა კითხვას პასუხი გაეცემა და კანონის წინაშე ყველა ძალიან მკაცრად აგებს პასუხს

საარჩევნო კამპანიისას ზღვარგადასულ ცილისწამებას დაემატა ის ანტიეროვნული, ანტისახელმწიფოებრივი საქმე და პროვოკაცია, შეთქმულება, რომელიც დაგეგმეს ჩვენი სახელმწიფოს წინააღმდეგ, სახელმწიფო უსაფრთხოების სამსახურის, ეკლესიის წინააღმდეგ, ვგულისხმობ ამ ფაბრიკაციას და გავრცელებულ მასალებს, რომელშიც, სხვათა შორის, გამოძიება ძალიან წინ მიიწევს და იმედი მაქვს, საზოგადოება ძალიან მალე გაიგებს რეალურ მიზეზებს, – ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.

მთავრობის მეთაურის თქმით, ყველა ადამიანი იქნება დასჯილი და წარდგენილი იქნება მართლმსაჯულების წინაშე.

„ალბათ არ გაგიკვირდებათ, ჩვენ ძალიან კარგად ვიცით, ვისთან არის დაკავშირებული ეს ბინძური ხელწერა. ეს არის სააკაშვილი და მისი ახლად შეძენილი მოკავშირეები. დანარჩენს მოგვიანებით გამოძიება გეტყვით. მოკავშირეებიც და მოკავშირეც, მთავარი მოღალატე მოკავშირეებიც“, – განაცხადა პრემიერ-მინისტრმა.

ჟურნალისტის კითხვას, არის თუ არა ეს გახარია, მთავრობის მეთაურმა უპასუხა, რომ წინასწარ არაფრის თქმა არ სურს, მაგრამ გამოძიება წინ მიიწევს, ყველა კითხვას პასუხი გაეცემა და კანონის წინაშე ყველა ძალიან მკაცრად აგებს პასუხს-აცხადებს ირაკლი ღარიბაშვილი.

წინა სტატიაშიირაკლი ღარიბაშვილი -იყო მხოლოდ პირადი შეურაცხყოფები, გვარამია და სააკაშვილის ლიდერები, პირდაპირ ეწეოდნენ ჩვენი კანდიდატებისა და მერების დისკრედიტაციის კამპანიას და ფაქტობრივად, ეს იყო გამოცხადებული ომი
შემდეგი სტატიაირაკლი ღარიბაშვილი – გახარიას ფაქტორს ჰქონდა ორი მიზანი – პირველი, ის, რომ „ქართულ ოცნებას“ 43% არ აეღო და ასევე გახარიას როლი იყო ის, რომ დაახლოებით 7-8% წაეღო „ქართული ოცნების“ ამომრჩევლის ნაწილიდან