საქართველოს პრემიერ-მინისტრი ირაკლი ღარიბაშვილი სერბეთის რესპუბლიკის პრეზიდენტს, ალექსანდერ ვუჩიჩს გრანადაში ევროპული პოლიტიკური გაერთიანების სამიტის ფარგლებში შეხვდა.
საქართველოს პრემიერ-მინისტრის პრესსამსახურის ცნობით, შეხვედრაზე განიხილეს ორ ქვეყანას შორის არსებული მეგობრული, ორმხრივი და მრავალმხრივი ურთიერთობები და იმსჯელეს სამომავლო თანამშრომლობის პერსპექტივებზე.
