ბათუმის 11-12 მარტის მოვლენების ორგანიზებაზე დაკავებული პირების დღევანდელ სასამართლო პროცესზე ირაკლი ჩხვირკვია დასკვნითი სიტყვით უნდა წარდგეს.
„ბრალდება მთლიანად აგებულია სოციალურ ქსელში გამოქვეყნებულ პოსტებზე. დღევანდელმა დღემ კიდევ ერთხელ დამარწმუნა იმაში, რომ უტყუარად უნდა დადგეს მოცემულ სისხლის სამართლის საქმეზე გამამართლებელი განაჩენი,“ – აცხადებს ადვოკატი პაატა შავაძე.
გუშინდელ პროცესზე დასკვნითი სიტყვით გამოვიდა პროკურატურა. ბრალდების მხარე დარწმუნებულია, რომ განაჩენი გამამტყუნებელი იქნება. არეულობის ორგანიზებას ჩხვირკვიასთან ერთად, პროკურატურა მერაბ ღოღობერიძესაც ადანაშაულებს.