ირაკლი ჩიქოვანი – ქვეყანაში ერთხელ და სამუდამოდ უნდა დასრულდეს ფარული მიყურადება

ქვეყანაში ერთხელ და სამუდამოდ უნდა დასრულდეს ფარული მიყურადება და სპეკულაციური ჩანაწერების შექმნა, – ამის შესახებ საპარლამენტო უმრავლესობის წევრმა, ირაკლი ჩიქოვანმა განაცხადა.

„ფარული ჩანაწერების გავრცელებასთან დაკავშირებით გამოძიების დაწყება ძალიან მნიშვნელოვანია. ამ ქვეყანაში ერთხელ და სამუდამოდ უნდა დასრულდეს ფარული მიყურადება და სპეკულაციური ჩანაწერების შექმნა. რაც რეალურად გვჭირდება ის არის, რომ ამ გზითა და საშუალებით შედეგის მიღწევა შეუძლებელია, რადგან ფაბრიკაცია და სპეკულაცია ჩვენს საზოგადოებაში ფეხს ვერასოდეს მოიკიდებს. კონკრეტულ მუხლთან დაკავშირებით კომენტარს ვერ გავაკეთებ, ეს კითხვა პროკურატურას უნდა დაუსვათ“, – განაცხადა ირაკლი ჩიქოვანმა.

საქართველოს პროკურატურამ ფარული ჩანაწერების გავრცელებასთან დაკავშირებით გამოძიება დაიწყო. უწყების ინფორმაციით, გამოძიება დაიწყო კერძო საუბრის უნებართვო ჩაწერის ან/და მიყურადების, ასევე კერძო კომუნიკაციის ჩანაწერის, ტექნიკური საშუალებით მოპოვებული ინფორმაციის უკანონოდ გამოყენებისა და გავრცელების ფაქტებზე, საქართველოს სისხლის სამართლის კოდექსის 158-ე მუხლის პირველი და მეორე ნაწილებით გათვალისწინებული დანაშაულის ნიშნებით.

ვირუსის ბლოკატორები
წინა სტატიაშიპრეზიდენტმა თამარ მეფის ორდენით კულტურის სფეროში მოღვაწე რვა ქალი დააჯილდოვა
შემდეგი სტატიასალომე ზურაბიშვილი ნიკა მელიას დაკავების შესახებ – ეს ჩემი გადასაწყვეტი არ იყო