ირაკლი ალასანია – თეა წულუკიანი სიყალბისა და ფარსის ნაწილი გახდა

თეა წულუკიანი სიყალბისა და ფარსის ნაწილი გახდა, – ამის შესახებ “თავისუფალი დემოკრატების” ლიდერი ირაკლი ალასანია გაზეთ “კვირის პალიტრასთან” ინტერვიუში აცხადებს.
ალასანია მთავარ პროკურორად ირაკლი შოთაძის დამტკიცების საკითხზე საუბრობს და მიიჩნევს, რომ ის პოლიტიკური დაკვეთის შესრულების სანაცვლოდ დააწინაურეს.
“ერთი წლის წინ ვთქვი, რომ პოლიტიკური დაკვეთების შესრულების სანაცვლოდ შოთაძეს მთავარ პროკურორობას შეჰპირდნენ. მან წარმატებით გააგრძელა ადეიშვილის ტრადიცია, თუმცა დაკვეთების აღსრულებაში მოიკოჭლებენ. დღეს ეს უწყება გაუცხოებულია საზოგადოებასთან, რაშიც ამ ყმაწვილს დიდი წვლილი მიუძღვის.
თეა წულუკიანი ამ პროცესის მონაწილეა… ძალიან სამწუხაროა, რომ ის ამ სიყალბისა და ფარსის ნაწილი გახდა”, – აღნიშნავს ალასანია.

banner
წინა სტატიაშიყიფშიძის ქუჩაძე მომხდარი აფეთქების შედეგად დაშავებული მამაკაცის მდგომარეობა სტაბილურია
შემდეგი სტატიააფხაზეთი დამოუკიდებელი საქართველოს შემადგენლობაში არ ყოფილა… ყოველ შემთხვევაში დღევანდელ ევროპულ რეალობაში