თავდაცვის ყოფილი მინისტრი, პარტია „თავისუფალი დემოკრატების“ ლიდერი ირაკლი ალასანია აცხადებს, რომ თავდაცვის სამინისტროში აქტიური მუშაობა მიდის იმისათვის, რომ ჯარისკაცებმა საცხოვრებელი ადგილის მიხედვით ხმის მიცემა ვეღარ შეძლონ.
„პრემიერ-მინისტრსაც და თავდაცვის მინისტრს მოვთხოვ, რომ აღკვეთონ ასეთი მცდელობა. არ ვამბობ, რომ ეს მოდის პირველი პირებიდან, მაგრამ ჯერ კიდევ არსებობენ ადამიანები, ვისაც სურს თავის გამოჩენა ან საკუთარი პოლიტიკური შეხედულებების თავს მოხვევა და ეს კატეგორიულად უნდა აიკრძალოს. ჩვენი მონაპოვარი, რომ თავდაცვის უწყება იყოს დეპოლიტიზირებული, შეიძლება, ქარს გაატანონ და დაიწყონ ისევ მითითებების გაცემა ჯარისკაცებზე სახელისუფლებო პარტიის მხარდაჭერაზე,“ – განაცხადა ირაკლი ალასანიამ.
