იოსელიანი – საზოგადოების დაკვეთაა, დასრულდეს პოლარიზაცია, ზიზღის ენით საუბარი და დაპირისპირება

პრეზიდენტი კონსულტაციას ყველასთან აწარმოებს და ამ პროცესის გულშემატკივარი ვარ. მინდა, ამ პროცესმა რეალურად რაღაც შედეგი გამოიღოს, ყველას უნდა გვესმოდეს, რომ ეს ვერ იქნება ერთ კვირაში და თუნდაც ერთ თვეში, – ამის შესახებ პარლამენტის ვიცე-სპიკერმა, ლევან იოსელიანმა განაცხადა.

„უკვე გამოჩნდა, რომ ჩვენს ქვეყანაში ცოტათი მაინც პოლიტიკური კულტურა შეიცვალა და ოდნავ გაუმჯობესდა. მაგალითად ისეთი პოლიტიკური პარტიები და ისეთი ლიდერები ვნახე სალომე ზურაბიშვილთან მისულები, რომლებიც მას პრეზიდენტად საერთოდ არ აღიარებდნენ სულ რამდენიმე თვის წინ და ამბობდნენ, რომ ის არის პუტინისტი, მათი დანიშნული და ა.შ. მათ მოუწიათ მისვლა და ამ პროცესში ჩართვა, რადგან ხედავენ, რომ სხვანაირად უბრალოდ მარგინალიზაციის გზას დაადგებიან. საზოგადოების დაკვეთაა, რომ ქვეყანაში მოხდეს რაღაც ძირეულ საკითხებზე შეთანხმება. დაკვეთაა, რომ დასრულდეს ეს პოლარიზაცია, ზიზღის ენით საუბარი და ქართველების ერთმანეთთან დაპირისპირება, ისეთი პოლიტიკური თემების გამო, რომელიც რეალურად ვიწროპარტიული ინტერესების გამომხატველია და არა საერთო ეროვნულის“, – განაცხადა ლევან იოსელიანმა.

banner
წინა სტატიაშიხოშტარია – პოლიტიკური დევნა, ბიძინა ივანიშვილის ხელში არსებული ერთ-ერთი მნიშვნელოვანი იარაღი გახდა
შემდეგი სტატიასუს-ის ინფორმაციით, რუსეთის საოკუპაციო რეჟიმის უკანონო პატიმრობაში საქართველოს 7 მოქალაქე იმყოფება