იოსელიანი – საარჩევნო კოდექსის შესწორებების პროექტთან დაკავშირებით ვენეციის კომისიის დასკვნაში ცვლილებები ძირითადად პოზიტიურად არის შეფასებული

პარლამენტის ვიცე-სპიკერი, ლევან იოსელიანი აცხადებს, რომ საარჩევნო კოდექსის შესწორებების პროექტთან დაკავშირებით ვენეციის კომისიის დასკვნაში ცვლილებები ძირითადად პოზიტიურად არის შეფასებული.

მისივე თქმით, დასკვნაში ნათქვამია, რომ ყველა ცვლილება პოლიტიკურ პარტიებს შორის კონსენსუსს უნდა ეფუძნებოდეს.

„დასკვნაში ცვლილებები ძირითადად პოზიტიურად არის შეფასებული. არის შენიშვნები, რომლებიც ეხება საკითხებს, რაც მხარეებს შორის პრინციპული შეუთანხმებლობის საგანი არ ყოფილა. დასკვნაში ნათქვამია, რომ ყველა ცვლილება უნდა იყოს ინკლუზიური, ანუ, პოლიტიკურ პარტიებს შორის კონსენსუსს უნდა ეფუძნებოდეს. თუ კონსენსუსი იქნება, მაშინ მათთვის მისაღები იქნება ცვლილება. მიმაჩნია, რომ ცესკო-ში პარტიების მიერ დანიშნული წევრის გამოწვევა არ უნდა იყოს მარტივი, როგორც დღეს არის კანონმდებლობაში, თუმცა ჩემს კოლეგებს განსხვავებული პოზიცია აქვთ. ვენეციის კომისიასაც ამბობს, რომ ადამიანი, ვინც კომისიაშია, მისი ერთი ფურცლით უკან გამოწვევა არ არის ის სტანდარტი, რომელსაც მიესალმებიან, რადგან მისი უფლება უნდა იყოს დაცული“, – განაცხადა ლევან იოსელიანმა.

რეკლამის ბანერი
წინა სტატიაშიგახარიას ნეპოტიზმი
შემდეგი სტატიასაქართველოში კორონავირუსის 260 ახალი შემთხვევა გამოვლინდა