იოსელიანი – „ნაციონალურ მოძრაობას“ იმდენი მხარდამჭერი არ ჰყავს, რომ რეალური ცვლილება გამოიწვიოს

ყველა პარტიას აქვს უფლება, აქციის მეშვეობით პროტესტი გამოხატოს, ოღონდ, უნდა გვესმოდეს ნათლად რას აპროტესტებენ, – ამის შესახებ პარლამენტის ვიცე-სპიკერმა, ლევან იოსელიანმა განაცხადა.

„თბილისში, სადაც სხვაობა იმდენად დიდია, რომ ძალიან რთულია რაღაც სახის გაყალბებაზე საუბარი, რატომ არის არალეგიტიმური არჩევნები. ეს ის კითხვებია, რომელზეც ჩემი აზრით, პასუხი უნდა გაიცეს. არ მიმაჩნია, რომ არსებულ პირობებში აქციებმა შეიძლება რაიმე სერიოზული ცვლილება გამოიწვიოს არჩევნების მიმართ. არჩევნებს 52 ათასი ხმით რომ აგებ, არ მგონია, თბილისში რაიმე აზრი ჰქონდეს არჩევნების არაღიარებას. ვისურვებდი ისეთ არჩევნებს, სადაც კანდიდატები ერთმანეთს გამარჯვებას ულოცავენ და დამარცხებას აღიარებენ, აქამდეც უნდა მივიდეთ. საზოგადოება ძალიან დაიღალა არჩევნების გაყალბებაზე და აქციებზე საუბრით. ეს აქციები არაფერს არ შეცვლის. „ნაციონალურ მოძრაობას“ იმდენი მხარდამჭერი არ ჰყავს, რომ რეალური ცვლილება გამოიწვიოს. ალბათ,7 ნოემბერს აქციის დაგეგმვა შეეშალათ, რადგან ჩემთვის წარმოუდგენელია, „ნაციონალურმა მოძრაობამ“ 7 ნოემბერს აქცია როგორ უნდა ჩაატაროს“, – განაცხადა იოსელიანმა.

წინა სტატიაშიმაჭარაშვილი – რამდენჯერაც არჩევნებს წააგებენ, გამოდიან ქუჩაში, გაბუტულები დარბიან
შემდეგი სტატიაარჩევნების მეორე ტური – აშშ-ს საელჩოს განცხადება