ინფრასტრუქტურის მინისტრი რევაზ სოხაძე და საქართველოს პარლამენტის წევრი ირაკლი ზარქუა წალენჯიხის მუნიციპალიტეტის სოფელ ჯგალში ადგილობრივ მოსახლეობას შეხვდნენ და წყალმომარაგების მხრივ არსებულ საჭიროებებს ადგილზე გაეცნენ
შეხვედრაზე განიხილეს სოფელში არსებული პრობლემები და ის ნაბიჯები, რომლებიც მოსახლეობის უწყვეტი და ხარისხიანი წყალმომარაგების უზრუნველსაყოფად გადაიდგმება. მინისტრის თქმით, სოფლის წყალმომარაგების სისტემის მოსაწესრიგებლად უკვე მიმდინარეობს ტექნიკური დავალების შედგენა, რის შემდეგაც გამოცხადდება ტენდერი პროექტირების ეტაპის დასაწყებად. წლის ბოლოს გამოცხადდება სამშენებლო ტენდერიც
,,წალენჯიხის მუნიციპალიტეტში, პარლამენტის წევრებთან ერთად დავათვალიერეთ ინფრასტრუქტურული ობიექტები. აქტუალურია წყალმომარაგებისა და საგზაო ინფრასტრუქტურის გაუმჯობესების საკითხები. მუნიციპალიტეტში, უახლოეს პერიოდში დავიწყებთ შიდა გზების მოწესრიგებას, ასევე დაიწყება წყალმომარაგების სისტემის პროექტირება. დავათვალიერეთ საგანმანათლებლო ინფრასტრუქტურაც, გვქონდა შეხვედრა წალენჯიხის N1 საჯარო სკოლის ბენეფიციარებთან, პრობლემის მოსაგვარებლად შევეცდებით, მაქსიმალურად მოკლე ვადებში დავიწყოთ სკოლის მშენებლობა”-ამის შესახებ ინფრასტრუქტურის მინისტრმა, რევაზ სოხაძემ წალენჯიხის მუნიციპალიტეტში პროექტების დათვალიერების შემდეგ განაცხადა.
მინისტრი, ირაკლი ზარუქასთან ერთად, წალენჯიხა-ობუჯი-ჯიხაშკარის შიდასახელმწიფოებრივი გზის რეაბილიტაციის პროცესს გაეცნო. 14-კილომეტრიანი მონაკვეთიდან უკვე დასრულებულია 7 კმ-ის რეაბილიტაცია, დანარჩენ ნაწილზე მიმდინარეობს პროექტირების სამუშაოები. მინისტრი, ასევე, გაეცნო სოფლების – ჯაღირასა და ობუჯის დამაკავშირებელი ხიდის მდგომარეობას.
რევაზ სოხაძემ და საქართველოს პარლამენტის წევრმა ირაკლი ზარქუა, შეხვედრა გამართეს წალენჯიხის N1 საჯარო სკოლის პედაგოგებთან და მშობლებთან. როგორც სოხაძემ განმარტა, სკოლების მშენებლობა ინფრასტრუქტურის სამინისტროს კომპეტენციაში გადავიდა და წალენჯიხის N1 სკოლის პროექტირებისა და მშენებლობის პროცესი მალე დაიწყება.
ირაკლი ზარუქას განცხადებით, აშენდება 85 კმ სიგრძის წყალმომარაგების ქსელი, სქურის მაგისტრალური მილსადენი, ზღვაიას უბნის ჭაბურღილი, 100 მ³ მოცულობის წყალმიმღები და სარეზერვო ჭაბურღილები. ასევე, მოეწყობა ხუთი საქლორატორო, სქურის სათავე ნაგებობა და საფილტრი სადგური, რეაბილიტირდება არსებული ჭაბურღილები.სამუშაოების დასრულება , როგორც ზარქუა აცხადებს, 2026 წლის გაზაფხულისთვის არის დაგეგმილი. შედეგად, წალენჯიხაში მცხოვრები დაახლოებით 6,250 ადამიანი ისარგებლებს 24-სთ-იანი, ხარისხიანი წყალმომარაგებით. პროექტი სრულად ფინანსდება სახელმწიფო ბიუჯეტიდან და მისი ღირებულება 25 მილიონ ლარს შეადგენს.
ა
