დაახლოებით 24 ადამიანი დაიღუპა და 20-მდე უგზო-უკვლოდ დაიკარგა ინდონეზიაში, კუნძულ იავაზე მომხდარი წყალდიდობისა და მეწყერის შედეგად.
მაშველები დაკარგულებს ინტენსიურად ეძებენ.
ძლიერი წვიმების გამო, რომელიც რამდენიმე დღე გაგრძელდა,დატბორილია ათასობით სახლი, ადგილობრივი მოსახლეობა იძულებული გახდა სახლები დაეტოვებინათ. ბევრი მათგანი თავის გადასარჩენად სახლების სახურავებზე ისხდნენ. ერთ-ერთ სოფელში 5 ადამიანი საკუთარ სახლის ნანგრევებში ჩარჩა.
ინდონეზიაში, მედიის თქმით, მეწყერი ძალიან ხშირად ხდება.
