ინდოეთის დროშის ქვეშ მცურავმა თხევადი ნავთობის აირის (LPG) გადამზიდმა ორმა ტანკერმა — Nanda Devi-მ და Shivalik-მა — შაბათს ჰორმუზის სრუტე გადაკვეთა და ინდოეთის გუჯარატის შტატის პორტს უახლოვდება. ამის შესახებ ინფორმაციას გემების თრექინგის ვებგვერდი MarineTraffic ავრცელებს.
თრექინგის მონაცემები აჩვენებს, რომ ორივე გემი — Nanda Devi-ც და Shivalik-იც — კატარის რას ლაფანის პორტში დაიტვირთა. მათ სრუტე გამორთული AIS სიგნალებით გადაკვეთეს (რაზეც მიუთითებს წყვეტილი ხაზი, რომელიც მათ სავარაუდო გეზს ასახავს). AIS არის სისტემა, რომლის მეშვეობითაც გემები საკუთარ ადგილმდებარეობას გადასცემენ და მისი კონტროლი ონლაინ რეჟიმშია შესაძლებელი.
