“პატრიოტთა ალიანსის” მერობის კანდიდატმა ირმა ინაშვილმა ბიძინა ივანიშვილის სახლთან ბრიფინგი გამართა და პრემიერ მინისტრის გადადგომა მოითხოვა. ინაშვილმა საქართველოში შექმნილ პოლიტიკურ კრიზისზე ისაუბრა და მმართველი გუნდი უმცირესობასთან – “ევროპულ საქართველოსთან” გარიგებაში დაადანაშაულა.
„ჩვენ მოვითხოვთ კვირიკაშვილის გადადგომას, ჩვენ მოვითხოვთ სამართლიან არჩევნებს ამ ქვეყანაში. ჩვენ არ შევწყვეტთ საპროტესტო აქციებს. ეს აქციები გაგრძელდება 21 ოქტომბრის შემდეგ,“ – განაცხადა ირმა ინაშვილმა.