დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძემ საქართველოს პრეზიდენტს სალომე ზურაბიშვილს ვაქცინაციასთან დაკავშირებული გუშინდელი განცხადებების გამო მადლობა გადაუხადა.
მან აუცრელების ფასიან მკურნალობასთან დაკავშირებით სალომე ზურაბიშვილის ინიციატივაც შეაფასა და აღიშნა, რომ იდეა ვერ განხორციელდება, რადგან ამას საკანონმდებლო ცვლილებები დასჭირდება.
„ეს იდეა ვერ განხორციელდება, რადგან ამას საკანონმდებლო ცვლილებები დასჭირდება. არ მგონია, ეს იდეა განხორციელდეს, მაგრამ სხვა ყველა პუნქტში აბსოლუტურად ვეთანხმები. დღეს მადლობა გადავუხადე“, – განაცხადა იმნაძემ.
