“იმიტომ ხომ არ აფარებთ ხელს დათუნა სარალიძის მკვლელს, რომ თქვენ თავად ხართ დანაშაულის დაფარვის თანამონაწილე?”, – ამ შეკითხვით მიმართა უმცირესობის დეპუტატმა თინა ბოკუჩავამ შს მინისტრ გიორგი გახარიას პარლამენტის სხდომაზე.
“წელიწადზე მეტი გავიდა და არ არის ცნობილი ვინ არის დათუნა სარალიძის მკვლელი. თქვენ საზოგადოებას ეუბნებით, რომ ბუნებაში არ არსებობს დათუნა სარალიძის მკვლელი. როდემდე აპირებთ გაჭიანურებას და რატომ აფარებთ ხელს? იმიტომ ხომ არ აფარებთ ხელს, რომ თქვენ თავად ხართ დანაშაულის დაფარვის თანამონაწილე?”, – მიმართა დეპუტატმა შს მინისტრს.