“იმის თქმა, რომ სერტიფიკატები არ ჰქონდათ არ იქნება სწორი,”- ასე გამოეხმაურა შეიარაღებული ძალების გენერალური შტაბის უფროსი, ვახტანგ კაპანაძე, თავდაცვის მინისტრის განცხადებას.
კაპანაძე ამბობს, რომ სამხედროებს მყვინთავის კურსები თურქეთში აქვთ გავლილი, თუმცა ის არ ფლობს ინფორმაციას რას ითვალისწინებს მათ მიერ აღებული სერტიფიკატები.
“ჰქონდათ თუ არა მათ მეცადინეობის ან წვრთნების ჩატარების უფლება ეს გასარკვევია, მათ ჩემი ინფორმაციით სერტიფიკატები თურქეთში აქვთ აღებული. კიდევ ერთხელ გეტყვით რომ, ეს ყველაფერი მოკვლევის საკითხია,”- აცხადებს გენერალ-მაიორი ვახტანგ კაპანაძე.