იმის ნაცვლად, რომ პრეზიდენტმა და მისმა ადმინისტრაციამ საზოგადოებას ბოდიში მოუხადონ, საკითხის გადაფარვას ცდილობენ – ოხანაშვილი

ქეთი ფერაძე
: ქეთი ფერაძე აპრილი 17, 2018 12:20

იმის ნაცვლად, რომ პრეზიდენტმა და მისმა ადმინისტრაციამ საზოგადოებას ბოდიში მოუხადონ, საკითხის გადაფარვას ცდილობენ – ოხანაშვილი

პრეზიდენტის ადმინისტრაციის ხელმძღვანელის განცხადებას მწვავე შეფასებები მოჰყვა ადრესატების მხრიდან. „ქართული ოცნება“ გიორგი აბაშიშვილის ბრალდებებს, რომელმაც „ევროპული საქართველო“ და საპარლამენტო უმრავლესობა პრეზიდენტის წინააღმდეგ გარიგებაში, ასევე ახალი საკონსტიტუციო უმრავლესობის ფორმირების მცდელობაში დაადანაშაულა, აბსურდს უწოდებს.

„ცდილობენ აბსოლუტურად გაუაზრებელი, არასწორი მესიჯები გამოაგზავნონ, თითქოსდა, საკონსტიტუციო უმრავლესობაში რაღაც ხდება. ამ საკითხთან დაკავშირებით რაიმე სერიოზული კომენტარის გაკეთება არ იქნება სწორი. ეს არის აბსურდი. საკონსტიტუციო უმრავლესობას არ სჭირდება არანაირი გარიგება რომელიმე ოპოზიცურ პარტიასთან, მით უმეტეს, „ევროპულ საქართველოსთან“. ნაცვლად იმისა, რომ პრეზიდენტმა და მისმა ადმინისტრაციამ აიღონ პასუხისმგებლობა საკუთარ თავზე, ბოდიში მოუხადონ ქართულ საზოგადოებას და შესაბამისად, იმოქმედონ თუნდაც, ვანო ზარდიაშვილის მიერ გაჟღერებული პოზიციის შესაბამისად, ისინი საკითხის სხვა თემით გადაფარვას ცდილობენ, ეს არის ძალიან ცუდი,“- განაცხადა ფრაქცია „ქართული ოცნების“ წევრმა, ანრი ოხანაშვილმა.

ქეთი ფერაძე
: ქეთი ფერაძე აპრილი 17, 2018 12:20

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,516
ვიზიტორი
დღეში
Powered By Google Analytics