იმერეთის მასშტაბით სწრაფი ტესტირების ჩატარება 65 სამედიცინო ცენტრში იქნება შესაძლებელი

იმერეთის მასშტაბით სწრაფი ტესტირების ჩატარება 65 სამედიცინო ცენტრში იქნება შესაძლებელი.

როგორც იმერეთში სახელმწიფო რწმუნებულმა ზვიად შალამბერიძემ და პირველადი ჯანდაცვის წარმომადგენლებმა შეხვედრის შემდეგ განაცხადა, გუშინ და დღეს გამართულ შეხვედრებზე ყველა ის საკითხი განიხილეს, რაც სწრაფ ტესტირებას უკავშირდება.

“სწრაფი ტესტირების ჩატარება 65 ადგილზე იქნება შესაძლებელი. გუშინ და დღეს გამართულ შეხვედრებზე განვიხილეთ საკითხები, რომელიც ერთობლივ ეფექტურ მუშაობას უკავშირდება, რათა ტესტირება ჩვენი მოქალაქეებისთვის იყოს ხელმისაწვდომი როგორც დროის თვალსაზრისით, ასე ტერიტორიულად”, – განაცხადა ზვიად შალამბერიძემ.

მთავრობის მიერ კოვიდ-19-ის მართვის პროცესში დადგენილი შეზღუდვების 2-თვიანი გეგმის ფარგლებში, ქვეყანის მასშტაბით ინტენსიური ტესტირების პროგრამა მოქმედებს, რომლის ფარგლებში სახელმწიფო, დღეში, დაახლოებით 20 000 ტესტს გააკეთებს, რასაც დაემატება კერძო ლაბორატორიების მაჩვენებლები. ამავდროულად, განსაკუთრებით გაფართოვდება ანტიგენზე დამყარებული ტესტების გამოყენება, რომლის პასუხის მიღება, დაახლოებით, 20 წუთის განმავლობაში იქნება შესაძლებელი.

banner
წინა სტატიაშიეუთო-ს 27-ე მინისტერიალზე საქართველოს მეგობართა ჯგუფის მიერ მიღებული იქნა საქართველოს მხარდამჭერი განცხადება
შემდეგი სტატიაირმა ინაშვილი – შვიდი პარტიის წინადადებების პაკეტში ორი ჩვენთვის კატეგორიულად მიუღებელია, ერთს აღვიქვამთ, როგორც ხელისუფლებასთან გარიგების ფორმულას