სანდრო ბრეგაძეს მიაჩნია, რომ რუსთავი 2-თან ძალადობრივი ქმედებები არ ყოფილა და ე.წ. ქართული მარში მშვიდობიან აქციას მართავდა.
„იმ ქვეყანაში, სადაც თანამდებობის პირებისთვის გინება ჩვეულებრივი ამბავი არის და პარლამენტის თუ საკრებულოს სხდომებზე ერთმანეთს ცხვირ-პირს ალეწავენ, მე ვფიქრობ, რომ აბსოლუტურად, უსამართლობა იქნება, რომ 6 ახალგაზრდას შეეფარდოს პატიმრობა. თუ გინებისთვის ამ ახალგაზრდებს შეეფარდებათ პატიმრობა, მაშინ უმაღლესი თანამდებობის პირები, კარგა ხნის დაპატიმრებულები უნდა იყვნენ,“ – განაცხადა სანდრო ბრეგაძემ.
ე.წ. ქართული მარშის წევრების თქმით, თუ მოსამართლე დაკავებულებს არ გაათავისუფლებს, მაშინ სამოქმედო გეგმას პროცესის დასრულების შემდეგ გააცნობენ საზოგადოებას.
