ილია მეორე: მძიმეა ზვიად გამსახურდიას ჯვარი

სრულიად საქართველოს-კათოლიკოს პატრიარქი, უწმინდესი და უნეტარესი ილია მეორე დაბადებიდან 82 წლის იუბილეს აღნიშნავს. სრულიად საქართველოს კათოლიკოს-პატრიარქი ილია მეორე, ერისკაცობაში ირაკლი შიოლაშვილი, 1933 წლის 4 იანვარს ვლადიკავკაზში, გიორგი ღუდუშაური-შიოლაშვილისა და ნატალია კობაიძის ღვთისმოსავ ოჯახში დაიბადა.

მძიმეა ზვიად გამსახურდიას ჯვარი, მაგრამ ღვთის მადლით, მან ბევრი სიკეთე გააკეთა საქართველოში, – ამის შესახებ საქართველოს კათოლიკოს პატრიარქმა, უწმინდესმა და უნეტარესმა ილია მეორემ სამების საკათედრო ტაძარში განაცხადა.

სამების ტაძარში ზვიად გამსახურდიას სულის მოსახსენიებელი პანაშვიდი გადაიხადეს.

„ამ კვირას კვირიაკეს კვირა ეწოდება, ჯვრის თაყვანისცემა. ყოველი ადამიანი არის მატარებელი ჯვარისა. ღმერთმა ინებოს, რომ ბოლომდე მივიტანოთ ჩვენი ჯვარი. ძალიან ხშირი შემთხვევაა, როცა ადამიანი თხოულობს ღვთისაგან სხვა ჯვარს, მძიმეა თავისი ჯვარი და უფრო მძიმეა, აუტანლად მძიმეა სხვისი ჯვარი. ადამიანის ცხოვრება უდნა გამოსახავდეს ჯვარს. ეს არის სწრაფვა ღვთისაკენ, მაღლა ზეცისკენ და ადამიანისკენ. აი, ეს ჯვარი ყოველმა ადამიანმა თავისი ცხოვრებით უნდა გამოსახოს. ღმერთმა ინებოს, რომ ყოველმა ჩვენგანმა, ყოველმა ადამიანმა ბოლომდე მიიტანოს ჯვარი და გახდეს მკვიდრი სასუფევლისა.

დღეს განსაკუთრებული დღეა. დღეს შესრულდა 80 წლის ზვიად გამსახურდია, პირველი პრეზიდენტი საქართველოსი. მძიმეა მისი ჯვარი, მაგრამ ღვთის მადლით, მან ბევრი სიკეთე გააკეთა საქართველოში ჩვენი ერისათვის“,- განაცხადა პატრიარქმა.

banner
წინა სტატიაშიდავით ზალკალიანი – ბიძინა ივანიშვილი არამარტო სამეგრელოში, არამედ საქართველოს ყველა რეგიონში ჩადის
შემდეგი სტატიაპრეზიდენტის ზვიად გამსახურდიას 80 წლის იუბილესადმი მიძღვნილი ღონისძიებები გაიმართა ზუგდიდში