“გუშინ ფოთიდან ჩამოვედი თბილისს. დღეს სიონის ტაძარში ვეახელი კათალიკოს-პატრიარქისთვის გაჭრილ საფლავს და ეს ფოტო და ვიდეომასალა გადავიღე.
შემდეგ პროფესორ ტარიელ კიპაროიძესთან ერთად საფლავის აზომვითი სამუშაოები განვახორციელეთ. ორ ფოტოზე, რაც შიგნით, საფლავში გადავიღე, კარგად ჩანს ადამიანის ჩონჩხის ცალკეული ნაწილები, ძვლების სახით. სავარაუდოდ, ადრე ვიღაც სასულიერო პირის ძვალთშესალაგი უნდა ყოფილიყო ეს ადგილი. საფლავის გასწვრივ კიდევ ორი მიწისქვეშა აკლდამაა. სამწუხაროდ, თბილისის სიონის ტაძრის ნეკროპოლი მეცნიერულად შესწავლილი არ არის…არადა აუცილებელია ამის გაკეთება”. – წერდა პედაგოგი იგორ კეკელია სოციალურ ქსელში 21 მარტს
