იენს სტოლტენბერგი რუსეთს აფრთხილებს, უკრაინაში ბირთვული იარაღი არ გამოიყენოს, რადგან „ატომური ომის წარმოება დაუშვებელია“

ნატო-ს გენერალური მდივანი იენს სტოლტენბერგი რუსეთის ფედერაციას აფრთხილებს უკრაინაში ბირთვული იარაღი არ გამოიყენოს, – ამის შესახებ სტოლტენბერგმა გაზეთ Welt am Sonntag-თან ინტერვიუში განაცხადა.

“ჩვენი გზავნილი ცალსახაა: ბირთვული იარაღის გამოყენება გამოიწვევს მდგომარეობას, როდესაც ყველა მხარე მხოლოდ დამარცხებული იქნება. ატომური ომის წარმოება დაუშვებელია, მათ შორის რუსეთისთვის“, -განაცხადა იენს სტოლტენბერგმა.

ნატო-ს ხელმძღვანელმა ასევე აღნიშნა, რომ ორგანიზაციას არ აქვს არანაირი მონაცემი, რომელიც მიუთითებს იმაზე, რომ რუსეთის ატომური არსენალი უკრაინაში შეჭრის დაწყების შემდეგ მზადყოფნის მაღალ დონეზე იყო მიყვანილი, რუსეთის პრეზიდენტის ვლადიმერ პუტინის მუქარის მიუხედავად.

სტოლტენბერგის თქმით, უახლოეს მომავალში უკრიანაში ომი უფრო მწვავე ფაზაში გადავა, რისთვისაც უკრაინას ახალი შეირაღება დასჭირდება.

”გრძელვადიან პერსპექტივაში უკრაინა ვერ დაიცავს თავს მხოლოდ საბჭოთა პერიოდის იარაღით, ის უნდა გადავიდეს თანამედროვე დასავლურ იარაღზე”, – თქვა მან.

წინა სტატიაშიომბუდსმენი – გავრცელებული ინფორმაციით, სახელმწიფო დაფინანსებით სასტუმროებში მყოფი უკრაინის მოქალაქეები გააფრთხილეს, რომ 6 მაისიდან გაათავისუფლონ საცხოვრებელი ფართები, რის შედეგადაც მათ ღია ცის ქვეშ დარჩენის საფრთხე ემუქრებათ
შემდეგი სტატიაპოლონეთი საფრთხეს უქმნის უკრაინის ტერიტორიულ მთლიანობას – პესკოვი