ჰუთების მთავრობის საგარეო საქმეთა მინისტრის მოადგილე, ჰუსეინ ალ-ეზი აცხადებს, რომ იემენელმა ჰუთებმა შესაძლოა ბაბ-ელ-მანდების სრუტე დაკეტონ, თუ აშშ-ის პრეზიდენტი დონალდ ტრამპი არ შეწყვეტს ყველა ქმედებას, რომელიც ხელს უშლის მშვიდობას.
„ტრამპისთვის – და იმ ქვეყნებისთვის, რომლებიც მას არ ეწინააღმდეგებიან – ჯობია, დაუყოვნებლივ შეწყვიტონ პოლიტიკა, რომელიც აბრკოლებს მშვიდობას და გამოავლინონ ჩვენი ხალხისა და ქვეყნის უფლებების მიმართ პატივისცემა,“ _ განაცხადა ალ-ეზიმ.
ინფორმაციისთვის, ბაბ-ელ-მანდების სრუტე წითელ ზღვას აკავშირებს ადენის ყურესთან. მასში გადის მსოფლიოში საზღვაო გზებით ნავთობით ვაჭრობის დაახლოებით 12% და გათხევადებული ბუნებრივი აირით ვაჭრობის 8%.
დაჯგუფება „ანსარ ალაჰი“, დაჯგუფება, რომელიც ჰუთების სახელითაა ცნობილი და რომელსაც ირანი უჭერს მხარს, აკონტროლებს იემენის მნიშვნელოვან ნაწილს, მათ შორის დედაქალაქ სანას.
