“ქართული ოცნების” პარტია ირანული ნავთობით ფინანსდება-ამის შესახებ ანგარიშს სამოქალაქო იდეა აქვეყნებს.
მათივე ინფორმაციით, საქართველოში ირანული კომპანიები აქტიურად მოქმედებენ და ზოგიერთი მათგანი სახელმწიფო ინსტიტუტებთან თანამშრომლობს.
ანგარიშში ნათქვამია, რომ ირანული ნავთობის იმპორტში ჩართული 8 კომპანია დაკავშირებულია ოცნების დონორებთან და ამ კომპანიებიდან 3-მა სახელმწიფო ტენდერები მოიგო. ერთ-ერთია შპს „ემეს მოტორსი“.
ანგარიშში კომპანია აღწერილია, როგორც გამარტივებული შესყიდვების აქტიური ბენეფიციარი. 2012-დან 2024 წლამდე სხვადასხვა სახელმწიფო უწყებამ მისგან 224,712 ლარის ღირებულების პროდუქცია შეიძინა.
IdeaCivic-ის ანგარიშის თანახმად, 2021 წელს „ემეს მოტორსმა“ 20,450 ლარის ღირებულების სახელმწიფო ტენდერი მოიგო და იმავე წელს კომპანიის აქციონერმა, აკაკი გურჯიძემ, „ქართულ ოცნებას“ 20,000 ლარი შესწირა.
კვლევაში აღნიშნულია, რომ კომპანიასთან დაკავშირებული სხვა პირებიც „ქართული ოცნების“ დონორები არიან.
