იაპონიაში 5.9 მაგნიტუდის სიმძლავრის მიწისძვრა მოხდა, – ამის შესახებ ინფორმაციას Euronews-ი ავრცელებს.
იაპონიის მეტეოროლოგიური სააგენტოს (JMA) ცნობით, მიწისძვრა იბარაკის პრეფექტურის სამხრეთ ნაწილში, ტოკიოსთან ახლოს, დაახლოებით 68 კმ სიღრმეზე მოხდა. უწყების ცნობით, „ცუნამის საფრთხე არ არსებობს“.
იაპონიის ხანძარსაწინააღმდეგო და კატასტროფების მართვის სააგენტოს ინფორმაციით, ბიძგების შედეგად სულ მცირე 37 ადამიანი დაშავდა, მათგან ერთი — მძიმედ. ამასთან, საიტამას პრეფექტურაში დაზიანდა ერთი შენობა.
ტოკიოში შეფერხდა ზოგიერთი რეგიონული მატარებლის მოძრაობაც.
