აშშ, ბრიტანეთი, საფრანგეთი და გერმანია ატომური ენერგიის საერთაშორისო სააგენტოს (IAEA) მმართველთა საბჭოს წევრებს მოუწოდებენ, მომავალ კვირას მიიღონ რეზოლუცია, რომელიც ირანის საკითხს გაეროს უშიშროების საბჭოს გადასცემს. მსგავსი ნაბიჯი ბოლო 20 წლის განმავლობაში პირველად იდგმება.
გასული წლის ივნისში IAEA-მ ირანი ბირთვული ვალდებულებების დარღვევა დაუდგინა, რასაც მეორე დღესვე ისრაელისა და აშშ-ის მიერ ირანის ბირთვულ ობიექტებზე იერიშები მოჰყვა. დაბომბვის შედეგად განადგურდა ან მძიმედ დაზიანდა ურანის გამდიდრების საწარმოები.
მას შემდეგ თეირანი სააგენტოს ინსპექტორებს დაზიანებულ ობიექტებზე არ უშვებს და არც გამდიდრებული ურანის ნაშთების შემოწმების უფლებას აძლევს.
IAEA-ს მონაცემებით, ირანი ერთადერთი ქვეყანაა, რომელიც ბირთვული იარაღის არქონის მიუხედავად, ურანს 60%-მდე ამდიდრებს — რაც მცირე ნაბიჯია საბრძოლო კონდიციამდე. სააგენტოს ვარაუდით, იერიშებს 200 კგ-ზე მეტი ასეთი ურანი გადაურჩა, რომელიც ამჟამად ისფაჰანისა და ნათანზის ობიექტებზე ინახება.
რეზოლუციის პროექტის ზუსტ ფორმულირებებზე დიპლომატიური მოლაპარაკებები ამჟამადაც მიმდინარეობს.
